Norabonas po Paskixedda 2004

A si biri in su 2005!

su maistu

Postu de: maistu a 12:56 | link | commenti (2)

Depu fai unu cursu

Cehss...depu fai unu cursu a pitz''e su GPRS...a nai ca no ndi tengu gana?!

A si biri mellus

su maistu

Postu de: maistu a 09:27 | link | commenti

Fotografias mias

A intr''e is atras cosas ki mi praxit a fai, nc'esti puru sa fotografia.

Mi ndi femu puru scaresçu de is ki emu postu in s'arretza, in su jassu www.photo.net

http://www.photo.net/photodb/member-photos?user_id=527480&include=all

Ci ndi funti unus cantus ki mi praxint diaderus...e bravu maistu!

A si biri mellus

su maistu

Postu de: maistu a 14:14 | link | commenti

Mandarinus de ajudu contras a sa Thalassemia.

Ariseru apu fatu una cosa ki secundu mei totus iant a depi fai: beneficentzia po calincunu.

Pretzisamenti, cumenti circulu sardu in Milano, eus apariçau una mesixedda in Pratz''e Casteddu in Milano, e si seus postus a bendi mandarinus e ollu de Calabria po aregolli dinai po sa ricerca contras a sa Thalassemia.

Sa Thalassemia est una maladìa ki boccit unu munton''e genti in totu su mundu donnya annu, e in Sardinnya esti ispetzialmenti sentida, ca nc'at ancoras tropus pipìus ki nascint cun custa maladia.

E duncas? Tocat a fai calincuna cosa. Bandat beni, deu no seu dotori, na ap'a podi curai is maladius, ma a su mancu potzu provai a ajudai is dotoris, poita ca po studiài custas maladias nci bolit un sçacumann''e dinai. E, a pustis, is mandarinus e s'ollu funti bonus meda!

Oh, ariseru nci fìat un frius''e galera in Milano, femus a 0°, a s'umbra, tenemu peis e manus cancaràus. Ma e' stètiu bellu, su coru miu est una pagu prus forti, oi.

A si biri mellus

su maistu

Postu de: maistu a 10:47 | link | commenti

Bonu acab''e cida!

Bonu acab''e cida a totus, ariseru e' nasça sa fill''e unu fradili miu, oi mi ndi partu in Firenze po d'andai a biri!

A si biri lunis

Postu de: maistu a 12:43 | link | commenti (3)

A pitz''e Gianfranco Zola e su doping.

Deu nau ki at fatu beni a nai su ki at nau.
Zola est unu grandu campioni in su sport e in sa vida, e candu issu faìat donnya tipu de fatiga po arribai aundi est arribau, atra genti nc'arribàt(a) su propiu ghettendisì in bena prokerìas barias...

Grandu Zoliteddu, seus totus cun tegus!

A si biri lìmpius
su maistu

Postu de: maistu a 11:07 | link | commenti

A s'acabu ci seus.

Custa e' sa primu borta ki scrìu in su blog de splinder, d'ap'a fai donnya tantis, ma sempri in sardu; deu bollu ca sa genti ki at a intrài in custu logu eletrònigu potzat fueddài in sardu cumenti di parit. Calincuna borta ap'a podi puru curreggi, ma sigumenti ca no seu imparadori de sardu, mi ndi parit mali puru.

A donnya manera, in is acàpius preferìus nc'anti unus cantus jassus aundi si podit cumentzai a studiài a cumenti scriri e fueddài beni su sardu.

Ah, deu umprèu sa fonètiga de su "Comitau obradoris po su bilinguismu", e de is de www.sardu.net ,e ki di bollu puru torrai gratzias medas.

A si biri mellus

su maistu

Postu de: maistu a 12:49 | link | commenti (5)